One Day for the Robber

[Sir Koan]

One Day for the Robber

By The Koan

VERSE 1

Monkey no get job
How im go take chop?
Ever since I graduate
My eye red like ketchup.
I no dey sleep, dem no dey wait
sey make guyman catch up.
I dey for grass hut
dem dey build upstair.
No fear, hope dey.
God dey hear, I go pray.
Hin no go gree hin pikin beg bread,
no way!
See my sister, leg spread
because aristo go pay.
Dem musto pay!
Na me dem dey take play?
Anyway game over
like Winning Eleven,
I don score!
I don ready for Heaven
I come for war!
For money I no reach ya level
but gun nko?
My bullet pass ya naira
Take time, I go open fire
if you no enta boat
I go blow you for throat
God help you if you shout
bullet go enta ya mouth
You no go see house
till ten million enta my account

CHORUS

Poor man dey hustle
Monkey dey cry
Baboon dey fly.
No ask me why
Everyday for oga,
one day for the robber



VERSE 2

Una no wan hear
sey una suppose fear
when hungry people plenti
and dem dey live near?
I be ya neighbour
but na when labour dey
you dey remember.
Where youdey for 25 December?
Even when I tar ya road
or carry ya load
you go do me like olodo
give me one hundred make I carry go.
I see your car dey go
you go splash me.
Even to say sorry sef, you go fashi.
You carry my wife, like she be ashi
just because we dey find chop.
But I don make my mind up.
Na ontop ya gate you go find us.
Ya houseboy na my broda
that's why im no go bother
to even wake una
na so we go take una
radio, TV and VCD;
We dey do dis tin easily!
You no go find out till morning
by dat time
you go hear sey we absconded
for dat kind
3 a.m.
Na border we dey men.
We don cross
Sorry bros
We don loss